रुगुं गैयै लैथोआव

गोजावदोँ दिनैबो सुबुंङा सिमा गैयै
मुलुगनि रुगुं गैयै लैथोआव, गुबुंले दैयाव
लोरगि गैयै दिङा
रोदा गैयै गोजावथिँनाय खोस्तलिफान बायदि।
आगोर मोनि सानस्रिब्लाबो सानस्रिख’ हाया;
लैथोनि फिथिख्रि ना थेँगोनायासो जंखायदोँ
गोदोना, फाखोनाखं, उदै एवथु एवथु।
गुदुं खनानि खांख्राय राजायाबो
मेगन मोहेरदोँ,
मेरगमगम नाथुर बोरायाबो दारि साफ्रेदोँ
बेरलाव मेगन नोजोरै।
गैया नामा सासेबो दिङारि
रैखा खालामनो अलखद समाव?
लैथोनि दोहौ आरोबाव बेसे बुसोमगोन
लैथोनि गुबुंले दैया आवग्रिबाय
दंनायमानि गासै कालि उदैखौ।
बाराद्राय दै मोनलोँनायनि थाखाय
गोदोहां गोदोहां गेलदां उदै।
थेवबो गैया नामा सासेबो दिङारि?