गसाइलै!
नोंखौ आं दा फाव-फुजा होनानै गाबज्रिनो लुबैलिया
नों जेसेबांखि गोजानाव थायामानो थाबायथा
सानसेब्लाबो नोंथ’ आंनि जिउखौ लांनो फैखागोन
बेवहायनो हिसाब-खिथाब। दाजाब-दानख’ जाजोबगोन
आंनि गासै मोननांगौखौबो
बेवहायनो बिनानै लाजोबगोन आं आरो
गोजोन्नायजों गोदो गोदो उन्दुलांगोन
माब्लाबाबो आरो सिखारफिन्नाय नङा
आथिंनि आदबजों खबाम सोलायनाय समाव
गोबां हर लोगो मोनबोबाय आं मेगनजों
बैफोर हरआनो खोमसिसिन नङा
बालाहामानि मेगनाव ख्लाब-ख्लिब जोङो दैनि गुथाल
खोमसिखौ मोजां मोनग्राफोरनि थाखाय
खोमसिया मोदोमफ्रु बिरबोयो गांखं फुवारनानै
बुब्लिया गां गोनां गेदेमा दाउ
बिरलाङो-बिरबोयो। बिरलाङो आरो बिरबोयो
मा रोंगोमोनो होनबा बियो?
जोंनि दाउज्लाया गगेरे गाबब्लानो
सानजानि दरजा नारखावनानै मेगन बेरलाव दिन्थिग्रा साना
आंनि सायखंनि गिरि।
आंनि सायखंआ मोसायो जै होयो साननि रोदा रोदा
जोंनि गोसोनि सिमां जावैनायफोरा
साननि रोदाजों हायाव सुब्रेयो
आं आरो जेबो जानो लुबैलिया
नोंनि सायखंल’ जानानै थानो मोनथों आं।
You May Also Like:
- सियालनि हाबायाव दान्दिसे
- निनिमा (1) : एसे बोरायदब दारि जामाव माव
- निनिमा (2) : जोबोद खुसिजोँ बोराय दाम्बुआ बुङो
- निनिमा (3) : नोगोर शहराव देरनायब्लाबो
- आं बिबायारि नङा जुजियारिसो
- निनिमा (4) : अखानायै बिलिया दाम्बुनि सिगाङाव बुंदोँमोन
- निनिमा (5) : उनाव फिसाज्ला सासेखौ
- निनिमा (6) : लाद्रा-लाद्रि मेगननिफ्राय
Leave a Reply