एसिद बोहैदोँ आंनि दुब्लियाव
आफानि मिजिँ सुजुनाय बिखाखौ
खामगासिनो अर खामगासिनो दं,
गोमो गोथां सानमोखाङारि सिमांखौ।
मानोना जोँ खोमसि मोखां
खोमसिनि सिमां नुयो जोँ,
बोहैदोँ मोदै खामनाय आबादथिलियाव
उदां जरासे दुखारु दाउथुनि।
थारैनो आं बेवहायनो गोमोआखै
दावहाखौ फोजोबनो हांख्रायनानै,
दावहारुआ थैबाय जोँ नुनो हायैबादि
बैसोमुथिनि बिखायाव गोबानानै।
सिबाय आब’ गाम्बारि बिरगोस्री
आदा बासिराम सान मोखां,
आदा दावहारु सोमदोन जोहोलाव
दाहा दाहा सोर गोसोखांबावनोसै!
आं मिथिगौ जोँ गांगाथफा लैथोनि
हिमालयनि गुगानाय अन्थाइ गोथै,
जोँ हाद्रि मैया दिनै बिदिन्थानि
जोँ हाथफ्ला इयुन बिदिन्थानि? ?
You May Also Like:
- सियालनि हाबायाव दान्दिसे
- निनिमा (1) : एसे बोरायदब दारि जामाव माव
- निनिमा (2) : जोबोद खुसिजोँ बोराय दाम्बुआ बुङो
- निनिमा (3) : नोगोर शहराव देरनायब्लाबो
- आं बिबायारि नङा जुजियारिसो
- निनिमा (4) : अखानायै बिलिया दाम्बुनि सिगाङाव बुंदोँमोन
- निनिमा (5) : उनाव फिसाज्ला सासेखौ
- निनिमा (6) : लाद्रा-लाद्रि मेगननिफ्राय
Leave a Reply