સુર પૂરાવજો અચૂક
“સંબંધ હોય, કે સમસ્યા”*
ના બનાવો એને કાળી અમાવાસ્યા
ચંદ્રમા ની જેમ શીતળતા પ્રસરાવો
લાવો સંબંધ માં ગરમાવો।
જે છે તે અહીંજ છે
કોઈ અનુજ છે તો
કોઈ વડીલછે
બધા આપણા જ છે।
મન ને બનાવો વિશાળ સમુદ્ર
રહેશો હંમેશા સમૃદ્ધ
તટ પાર લાખો લોકો આવીં ને શરણ લેશે
આપની અપારતા ને વધાવશે।
તમે પોતેજ અનુભવો છો
કદીક મોજા ની મસ્તી માણો છો
તો કદીક ઓટ નો ખાલીપો વર્તો છો
તેમ છતાં બધાને રાજીપો કરાવો છો।
દુનિયા વિશાળ છે
પણ સમસ્યા વિકરાળ છે
બધાની જોડે સુમેળ રાખવો
ભાઈચારા તાંતણો અકબંધ રાખવો।
મહાન હોવા છતાં અદના થઇ જવું
નાના બાળક જોડે નાના થઇ જવું
મોટા સામે વિનય થી વર્તવું
શાલીનતાનું વરવું રૂપ દેખાડવું।
આ છે માનવતા ની ઝલક
ચર્ચા થશે આખા મલક
રહો ના હંમેશા મૂક
પણ સુર પૂરાવજો અચૂક।
Leave a Reply