યાદો તો સરકતી જાય છે
યાદો તો સરકતી જાય છે
પાંપણ ને ભીંજવી જાય છે
રાતો તો ખસકતી જાય છે
શમણાં ને રિજવી જાય છે। યાદો તો સરકતી જાય છે
પાણી ખળખળ વહેતું જાયે
મન પણ ધીરે કહેતું જાયે
વેળા તો હાથ થી છટકી જાયે
વાતો પટલપર છવાઈ જાયે। યાદો તો સરકતી જાય છે
જીવતર નો ચિતારો આજ છે
આશાનો સંચારો પણ આજ છે
જીવવાનો સહારો પણ આજ છે
સમય નો તકાજોપણ આજ છે। યાદો તો સરકતી જાય છે
યાદો વસાવી છે જેણે જીવન માં
જીવતર જીવી જાણું છે
વાતો ને પચાવી જેણે ઉદર માં
ઘડતર ને ઉજાવી જાણ્યું છે। યાદો તો સરકતી જાય છે
કેમે ભુલાવું માનસ પટપર?
ઉભરેલી આશા હટતી નથી
કેમે વિસરાવું અંત: મન પર
કંડારેલી છાયા ખસતી નથી। યાદો તો સરકતી જાય છે
યાદો તો છે અણમોલ ખજાનો
બહુમૂલ્ય અને મહામુલો
સદા સમાવું કદી નાં ભુલાવું
સમય ની કેડી પર પગ નાં ડગાવું। યાદો તો સરકતી જાય છે
Leave a Reply