ଗାଳି
ଗଜାନନ ମିଶ୍ର
1
ଦିଅ, ଦିଅ, ଗାଳି ଦିଅ,
ଆହୁରି ଆହୁରି ଗାଳି,
ଦିଅ, ଦିଅ।
ଚୋର, ତସ୍କର,
ରକ୍ତଚଖା ନଟବର,
ଗୈରିକ ପାଗଳ,
ମିଛୁଆ, ଖଚୁଆ
ଲଂପଟ ନାଗର।
ଦିଅ, ଦିଅ, ଦିଅ ଗାଳି,
ତୁମ ଗାଳି ଫେରୁଛି
ତୁମଠିକୁ ଦେଖ,
ଆଉ ଏଠି ମୁଁ
ମାରୁଛି ତାଳି।
2
ଦିଅ ଦିଅ
ଆଉ ଆଉ ଦିଅ,
ମୋ ମାଟି କସମ
ସାରା ଜଗତରେ
ଝଲସାଇ ଦେବି ଏକଦମ।
ରଖିବି ତୁମ ସଭିଙ୍କୁ,
କହିବ ବଳେ ଏକ ନମ୍ୱର।
ଆରେ ହେ ପ୍ରିୟ ଶତ୍ରୁ ମୋର
ଦୟା ଆସୁଛି, ପାରୁ ନ ବୁଝି,
ଛାଡି ପାରୁ ନ ନୀଚ ସ୍ୱାର୍ଥ।
ମା ପୁଅ, ମା ଝିଅ,
ଯେତେ ଚିହ୍ଲାଅ, ଛାଡିଲେ ସତ୍ୟ
ପାଇବ ନି ଆଲୁଅ।
3
ଆସ, ଆସ,
ରଙ୍ଗ ଦେଖିବାକୁ ଆସ,
ଠିଆ ସାମ୍ନାରେ ଆକାଶ।
ଫଟୋ ଉଠାଅ,
ଦେଖ ଯୋଡି
ବାଘ, ସିଂହ।
ଆରେ ହେ, ଏତେ
ଏତେର ଅଛି କି ପଟାନ୍ତର।
ଭାଷା ବଦଳାଅ,
ରଖ ନିଜକୁ ନିଜ ଆୟତ୍ତରେ।
ଆରେ ହେ, ଗ୍ରହଣ କରି ନିଅ
ନୂଆ ସମୟ, ନାଇଁ ତ
ଫିଙ୍ଗିଦେବ ଏଇଟା
କାହିଁ କେଉଁଆଡେ।
ତପୋବନ, ଟିଟିଲାଗଡ, ବଲାଙ୍ଗିର
23/5/2019
Did you enjoy the the artible “ରଙ୍ଗ ଦେଖିବାକୁ ଆସ Come To See The Colours” from Gajanan Mishra on OZOFE.COM? Do you know anyone who could enjoy it as much as you do? If so, don't hesitate to share this post to them and your other beloved ones.
Leave a Reply