रमान्टिकनि सनास्रि सोमसिरि
फुंबिलि मोनाबिलि सिखोलाखौ
आं गालांनो सानो
गावनि मिजिँ मोनसे एखुथा थानायाव।
रमान्टिकनि गंगा जमुना दैमाखौ
लङा गङिया दैसाफोरखौ
आं गालांनो लुबैयो।
बेसेबांबा साननि उनाव सान
गोबां हरनि उनाव हर
नै बिसोर अनजालिमोनजोँ
सुखु दुखु गाब्बाय मिनिबाय।
बिसोर आंखौ हगारा
हगारथारा बिसोर आंखौ,
आं नाथाय खारखोमानो लुबैयो
रोजा रोजा अरन बारलांना
हिमालय हाजोआव गाखोहैनो,
बुरलुंबुथुर भारत लैथोखौ सानस्रिना
मुलुगनि गोजोन लैथोआव गोजोम हैनो,
दाखा जोमै सिंखावना हरै
बार-अन्थाइखौ नेवसिना
अखाफोराव फामु जाहैनो।
नाथाय सना मायबिलि
थाबायथा नोँ बड’लेण्डआव,
गोदोना सोमाव सोमाव मिनिसुलु
आंखौ नायहरनानै-
आं फैफिनगोन सना फैफिनथारगोन
आंनि मुंखौ मुलुग लैथोनि बिखाव
गोजोन सुदेम बोहैहोनानै।
You May Also Like:
- सियालनि हाबायाव दान्दिसे
- निनिमा (1) : एसे बोरायदब दारि जामाव माव
- निनिमा (2) : जोबोद खुसिजोँ बोराय दाम्बुआ बुङो
- निनिमा (3) : नोगोर शहराव देरनायब्लाबो
- आं बिबायारि नङा जुजियारिसो
- निनिमा (4) : अखानायै बिलिया दाम्बुनि सिगाङाव बुंदोँमोन
- निनिमा (5) : उनाव फिसाज्ला सासेखौ
- निनिमा (6) : लाद्रा-लाद्रि मेगननिफ्राय
Leave a Reply