महर मोखांखौ बुंथ’लिया,
बैसोखौबो हिसाब खालामथ’लिया,
र’ र’ एसे बुंनोबो नांगोन-
खानाय जायला मेगन गोथौ,
खर’आ गोफार मंग’लियान गन्थं,
हाथाइ माराम-राम।
दिनै फुंआव साफागुरिसिम,
बेलासियाव पर्बज’रासिम,
आमटेका टु मिँमांसिम,
लंस्लद लंस्लद आगाननै’सो,
दिनै अमेरिका गाबोन जापान
भुटान, बांलादेश, मेन्मार
(सिरां-कक्राझार-बाकसा-अदालगुरि
एबा बंग हादोद नागा रायजो
गवालफारा टु कासारखौ बुङाब्लाबो जागोन)
बिनि थाखाय फारलंगासे।
बहा थाङाखै बामबुला देवानियालाय-
सिमांफारा ना सानस्रिफारा
ना हंकं, बिजिंआवनो थाङाखै-
(अखाफोर, सनि ग्रह’नि बाथ्राखौ बुङाब्लाबो जागोन)
सोर्गो-नोरोकनि बाथ्राखौ
बियो गोथौयैनो मिथिगौ।
रावना-रावनि सल’निफ्राय जागायना
लायला-मजनु, जंके-फाने,
रमिअ’ एण्ड जुलियेट
(दरमेन्दर-हेमामालिनि
अमिताभ-जयानिसंसार जानायखौ बुङाब्लाबो जागोन)
मैयासो जाना थांनाय सावथुन
‘बडीगार्ड’नि सल’खौ मोजाङैनो मिथिगौ बियो।
पण्डित बियो बिजिरगिरिबो बियो
सोर गराय सोर मैदेर,
सोर पदमणि सोर खांखिनि,
गुदि बिजौ मिथिथारगौ बियो।
थेवबो थेवबो गसाइ!
सिबाय बामबुला देवानि! –
मालायनि जरा खालाम खालाम,
मालायनि सिला गायै गायै,
हायना मुलियानो खामानि होआखिसै नोँनिया,
सासेल’ खाफालाव थानायावबो
लाथिख’ दानख’ जाबावबायसो! !
You May Also Like:
- सियालनि हाबायाव दान्दिसे
- निनिमा (1) : एसे बोरायदब दारि जामाव माव
- निनिमा (2) : जोबोद खुसिजोँ बोराय दाम्बुआ बुङो
- निनिमा (3) : नोगोर शहराव देरनायब्लाबो
- आं बिबायारि नङा जुजियारिसो
- निनिमा (4) : अखानायै बिलिया दाम्बुनि सिगाङाव बुंदोँमोन
- निनिमा (5) : उनाव फिसाज्ला सासेखौ
- निनिमा (6) : लाद्रा-लाद्रि मेगननिफ्राय
Leave a Reply