गारबोनाय बिसम्बि बिनि

(सल्थब बसुमतारीया गोसोखांदों)
केरानि अफिसनि दान्दिसे जिरोन समाव,
सियाराव दान्दिसे जिरायना फारि फारि
बियो गोसोखांदों-
बैसागुआवल’ नङामोन
खेबसे खेबनै खेबथाम
फागुण-आसिन दानावबो
लाइसिरिखौ लोगो हमदोँमोन आं
जुलिनि जोबथा रादाय होनो,
साख्रि गैया बाख्रि गैया
लरग’ फोसावलियासो दोनखारलांबाय।
बाजै गांजेमानि जौ गोरानखौ
आंबो गरथसे मोनलोँदोँ,
अनजालिनि फेलेँ रादायनि दुखुआव।
बुदां माहाजोननि फिसाजोखौ
हरना मोना खावनो थांब्ला
आंनो सासे लिदारमोन,
बिसारनि बुब्लियाव नाथाय
खोमाबो खेबनां बावथ्राखिसै आं
मै खेला (नष्ट चन्द्र) नि बाथ्राखौ दोन
आदा लसेननि हाबाखालि
बालेब बुरैनि बोरमा फान्था खावनायावबो
गैया नङा दंथारोमोन आं,
खेबसे जागोन जाया सोँलुजोँ
खान्थालगुरिनि जारौ सनाथिनो
सिरि सिरि लाइजाम हरखोमानायखौ
मादै बेन’टिनि फिसाजो
अनाथियासो मोननाय!
लासिँ सिं बिनानाव गोसो थोग्रा होनजालायनाया? ?