વાણી માં સ્વતંત્રતા
મંગળવાર,28 ઓગસ્ટ2018
દુનિયા રંગરંગીલી અને અલબેલી
તમને બોલે બેધારી બોલી
કોઈ નો જોડે રહે અબોલી
અને કોઈ ની જોડે રહે આખાબોલી।
આ તો બેધારી તલવાર
જતાં પણ કરે વાર અને આવતા પણ વાર
આપણે રહેવું પડે ખબરદાર
અને નિભાવવો પડે કિરદાર।
બધા સાચા અને નિષ્ઠાવાન ના હોય
ગામ હોય ત્યાં ગંદવાડો હોય
સાચા નો વાડો નાનો હોય
ખોટા નો વાડો ઘણો મોટો હોય।
આપણે સીધે રસ્તે ચાલવું
બહુ લપછપ થી બચવું
ના બોલવા માં નવગુણ
બહુ બોલો એજ અવગુણ।
તમારા બોલ પકડી લે
પછી એને તમારી વિરુદ્ધ જ વાપરી લે
તમેજ તો કહેતા હતા
મને શું ખબર તમે હસતા હતા।
વાણી માં સ્વતંત્રતા હોવી જરુરી
પણ વધુ પડતું લાગે બિનજરૂરી
કોઈદોષ જોયા કરતા આત્મમંથન ની અગત્યતા વધુ
એનાથી પ્રેમ વધશે અને કટુતા નો થશે વધ।
હસમુખ અમથાલાલ મહેતા
Leave a Reply