1
इन खालि
गजानन मिश्र
इन खालि
गुटे न मुइ
भल लोक
बाकि सबु
चोर चांडाल!
केन्ता कथा?
मुनुसके
मुनुस बागिर
नेइ देखे जेन
काणा कहेब!
कबजारे
रखबाके
दुसराके
सदा मन,
दुसरार कथाके
केन्ता नेइदिऐं
सम्मान।
इन खालि
मुइ मोर कथा कहेमि
बाकि सबु
मोर बुले रहेबे
जाहा कहेमि करबे
नेइं हेले
कादोथि जाकमि!
मोर अबस्थाकाणा
आरु काणा कहेमि!
2
नामके नेइकरि
मोर भानझि
ताकर पिलाके
तहसिलदार बलि
डाकुथिले।
बिडु बिलिकरि
आमर घरे
गुटे हलिआ
काम करुथिला।
गुटे लाइनमेन थिला
सभापति थिला नाम।
नाम में क्या काम हे
कहुथिला रएबारी
कहुथिला प्रतिष्ठाके,
हेतार पुओ।
राष्ट्रपति बलबार
हे पिला पिअन काम
करसि आमर गां पंचायतने ।
हेन्ताभि कालाम
रेलटेसने टिकट काटुथिला
क्युथि खाडा हेइकरि।
तपोवन, टिटिलागड, बलाङ्गिर
12/5/2019
Leave a Reply