آپ كے عشق میں ہر زیر و زبر میٹھا ہے
دِل تو ہوتا ہی ہے میٹھا یہ جگر میٹھا ہے
میٹھی باتوں کا جو ہوتا ہے اثر میٹھا ہے
آپ كے ہونٹوں سے نکلا جو سحر میٹھا ہے
چھتریاں کھلتی ہیں جب شمس کبھی اتراۓ
روشنی روضہ کی لےلے تو قمر میٹھا ہے
آپ کی راہ اگر ریت ہے اس میں ہے رمق
آپ کی راہ جو پانی تو بھنور میٹھا ہے
آپ کی راہ ہوا ہے تو ہے اس میں بھی نشہ
آپ کی سمت جو اُڑتا ہے وہ پر میٹھا ہے
آپ کی آنكھوں سے نکلی جو ڈگر میٹھی ہے
آپ كے دِل میں جو لے جائے سفر میٹھا ہے
تلخیان لے کے گیا بدلہ میں لایا ہوں مٹھاس
آپ کی گلیاں بھی میٹھی ہیں نگر میٹھا ہے
میٹھا نگر
Did you enjoy the the artible “میٹھا نگر” from Akhtar Jawad on OZOFE.COM? Do you know anyone who could enjoy it as much as you do? If so, don't hesitate to share this post to them and your other beloved ones.
Leave a Reply